,,Монгол ур чадвар-2023’’ гагнуурын тэмцээний эхний шатны шалгаруулалт амжилттай явагдлаа

Найман мэргэжлээр явагдах МУЧ-2023 тэмцээний нэгдсэн нээлт Багшийн хөгжлийн ордонд болж Боловсрол шинжлэх ухааны сайд  Л.Энх-Амгалан оролцож үг хэлэв.

ММСГНийгэмлэг гагнуурын мэргэжлээр МСҮТ, коллежид суралцагсдын дунд зохион байгуулдаг ,,Монгол ур чадвар-  2023’’  эхний шатны  тэмцээнийг 2023 оны 5-р сарын 28-31-ны хооронд ГММСҮТөв дээр  зохион байгууллаа.

Ур чадварын тэмцээн БШУЯам,  Мэргэжлийн боловсрол, сургалт- түншлэл ТББ-уудын захиалга, гэрээний дагуу  Боловсрол шинжлэх ухааны сайдын 2023 оны 5-р сарын 02-ний өдрийн А/198 тоот тушаалаар батлагдсан ,,Монгол ур чадвар тэмцээн зохион байгуулах журам’’, 2023 оны 5-р сарын 08-ны өдөр БШУЯамны төрийн нарийн бичгийн даргын  баталсан ,,МУЧ-2023. Гагнуурын мэргэжлийн ур чадварын тэмцээний удирдамж, даалгавар’’-ын дагуу явагдсан.  

Мэргэжлийн ур чадварын тэмцээнийг 

                    Цахилгаан гар нуман гагнуур                                                                (111/SMAW)

                    Хагас автомат гагнуур                                                                            (135/GMAW)

                    Идэвхгүй хийн хамгаалалттай аргон нуман гагнуур                           (141/GTAW) 

оролцсон  10,12-мм-ийн ган хавтан, 60*4 мм-ийн ган хоолойгоор MNS ISO 9606-1:2021 стандартын дагуу бэлтгэгдсэн сорьцуудыг  гагнаж өрсөлдсөн.

Ур чадварын тэмцээнд Хэнтий, Өмнөговь,Төв, Дархан-Уул, Өмнөговь,Ховд, Дорнод. Булган аймаг, Улаанбаатар хотын 17 сургуулийн 23 сурагч ур чадвараа сорилоо.

Оролцогчид 16-20 насны суралцагсад, төгсөгчид байсан ба 2 нь эмэгтэй  байв.

Сорьцуудыг гадна үзлэг, эвдэх шалгалт, үл эвдэх буюу рентгэн радиографийн аргуудаар шалгаж дүгнэн үнэлгээ хийлээ. Тэмцээний дүн гарахад

                   1-р байр  М.Сүхбат /ГММСҮТ/               13.6 оноо - / Даалгаврын гүйцэтгэл 53.7%/

                  2- р байр  Г.Отгонцэцэг /ГММСҮТ/        11.6 оноо - /45.8%/                             

                  3-р байр  Г.Сүхбаатар /Өмнөговь ПК/    6.8 оноо - /26.9%/

                  4-р байр   Э.Мандах /ТТПК/                     4.4 оноо - /17.4%/

                  5-р байр  Б.Чухал /Өмнөговь ПК/          4.2 оноо - /16.6%/  авч дараагийн шатны шалгаруулалтанд орох батламж гардлаа.

Тэмцээний дүн дэлгэрэнгүй 

Тэмцээний үеэр  сургуулиудын гагнуурын багш нарт 

1. Гагнуурын аппаратын тохиргоо онцлог (111/SMAW, 135/GMAW, 141/GTAW). Илтгэгч  Ц.Хашмөрөн /ОТ ХХК гагнуурын багш/

2. Дэлхийн ур чадварын тэмцээний талаар. Илтгэгч С.Батсайхан /ОУ-ын гагнуурын инженер, ММСГН/

3. Шинээр нээгдэх гэж буй гагнуурын технологи мэргэжлийн инженер бэлтгэх хөтөлбөр, шаардлага, элсэлтийн талаар. Илтгэгч О.Галаа /ШУТИС. МТС салбарын эрхлэгч, профессор/

4. Цахилгаан, хагас автомат, аргон гагнуурын тухай. Илтгэгч Н.Ганхуяг /Олон улсын эрх бүхий багш. ММСГН/  зэрэг сэдвүүдээр сургалт хичээл зохион байгуулав.

Дараагийн шатны тэмцээн 10-р сард явагдаж 2 оролцогч шалгарч үлдэнэ.