ГАГНУУРЧДЫН УЛСЫН АВАРГА ШАЛГАРУУЛАХ ТЭМЦЭЭН 2015

        Монголын Материал Судлал Гагнуурын Нийгэмлэгээс / ММСГН/  2 жил тутамд нэг удаа Монголын гагнуурчдын дунд ур чадварын улсын аварга шалгаруулдаг уламжлалтай билээ. Уг тэмцээнийг энэ жил 3 дахь удаагаа амжилттай зохион байгууллаа.

Герман Монголын Мэргэжил Сургалт Үйлдвэрлэлийн Төв дээр 11-р сарын 23 – 27-ны өдрүүдэд болсон тус тэмцээнд уул уурхай, эрчим хүч, төмөр зам, МИАТ, мэргэжил сургалтын үйлдвэрлэлийн төв зэрэг салбар нэгжийн 46 байгууллага, хувь хүмүүс оролцож гагнуурын 4 төрлөөр өрсөлдөн дүнгээ гаргалаа. Нийт 153 гагнуурчин оролцсоноос хамгийн залуу нь 16,  ахмад нь 58 настай байв.

Өмнөх тэмцээнээс хойш гагнуурчдын ур чадвар эрс дээшилж, оролцогсдын тоо олшрон,  өрсөлдөөн нэмэгдсэнийг шүүгчид онцолж байлаа.

  • Цахилгаан гагнуурын төрөлд

1-р Байр    Г.Чойжамц               Герман Монголын Мэргэжил Сургалт Үйлдвэрлэлийн Төв
2-р Байр    Б.Баттулга               "СММ" ХХК
3-р Байр    Б.Түвшинжаргал      "Хасу Мегаватт" ХХК

Цахилгаан гагнуурын төрлийн нэгдсэн дүн

  • Аргон гагнуурын төрөлд

1-р Байр   Э.Гантулга                   "ДЦС-4" ТӨХК
2-р Байр   Ч.Агваандэмбэрэл       "ДЦС-4" ТӨХК
3-р Байр   Б.Алдарцогт                 Герман Монголын Мэргэжил Сургалт Үйлдвэрлэлийн Төв

Аргон гагнуурын төрлийн нэгдсэн дүн

  • Хагас автомат гагнуурын төрөлд

1-р Байр       М.Ганхуяг                    "ДЦС-3" ТӨХК
2-р Байр       С.Тэнүүн                      "Мегастийл Фабрикаторс" ХХК
3-р Байр       К.Даваажав                  "ДЦС-3" ТӨХК

Тусгай байр  Г.Булгансайхан            "Оюу Толгой" ХК  тус, тус байр эзэллээ.

Хагас автомат гагнуурын төрлийн нэгдсэн дүн

Хийн гагнуурын төрөлд  оролцогсодын гагнуурын чанар техникийн шаардлага хангаагүй гэж шүүгчид үзэж байр эзлүүлээгүй .

Энэ уралдаанд амжилттай оролцсон  Б.Баттулга, С.Тэнүүн, Ч.Агваандорж, М.Ганхуяг, К.Даваажав, Б.Түвшинжаргал нарын залуу гагнуурчдыг  2016 онд Бээжин хотод болох гагнуурчдын  ур чадварын олон улсын тэмцээнд оролцох эрхийн бичгээр шагналаа. Тэмцээнд оролцсон нийт гагнуурчид, компаны удирдлага, уралдааныг зохион байгуулахад тусалж дэмжсэн компани, хамт олонд баярласнаа илэрхийлж ажлын амжилт хүсье.

Ур Чадварын Улсын Аврага Шалгаруулах Тэмцээн (2015)

2011оны тэмцээний зураг үзэх

 2013оны тэмцээний зураг үзэх